BallinaKryesore“Elbasani nën hyqmin e gangsterëve”, Basha pas takimeve me familjet e vjetra...

“Elbasani nën hyqmin e gangsterëve”, Basha pas takimeve me familjet e vjetra elbasanase: Qytetarin do e vendosim në piedestal

Kreu i PD-së Lulzim Basha ka zhvilluar takime me anëtarë të familjeve të vjetra elbasanase.

Një nga qytetaret deklaroi se Elbasani sot, për fat të keq është nën hyqmin e gangsterëve, kurse Basha premtoi, se me qeverinë demokrate, qytetari do jetë në pietestal.

Duke kujtuar kulturën dhe vlerat që bart Elbasani, qytetarët u shprehën të zhgënjyer për gjendjen dhe imazhin që i është dhënë pas 8 viteve këtij qyteti.

Qytetare: Unë jam ish-drejtoresha e Bibliotekës së Elbasanit, bibliotekës publike, edhe më vjen keq që Elbasani është kthyer në një Elbasan gangsterësh, Elbasan rrugaçësh që nuk zgjidh asnjë problem, sidomos probleme pronash. Të vjen tjetri të ndërton pa leje në vesh të shurdhët dhe të ankohesh, asnjë zgjidhje. Dhe mua më vjen keq që elbasanllinjtë e urtë ulin kokën më shumë edhe janë nën hyqmin e gangsterëve. Jam shumë e shqetësuar për këtë fakt dhe shpresojë te 25 prilli që do të ndryshojë gjithçka. Elbasani mikpritës, Elbasanin e urtë, elbasanllinjtë e urtë do ta bëjë që ta ndjejnë dorën e ngrohtë të qeverisë!

Shqetësim tjetër për ta, është papunësia dhe pamundësia për t’u përballur me kostot e jetës. Si zgjidhje të vetme ata shohin vetëm ndryshimin më 25 prill, për t’u kthyer normalitetit që për Elbasanin ka 8 vite që mungon.

Qytetari: Përjetova një sëmundje të rëndë familjare, ajo gënjeshtër e qeverisë që thotë falas shëndetësia është turp. Ky popull që ka kaluar këtë sëmundje, unë përjetova një sëmundje 20 ditë në gjendje koma në spitalin infektiv, gruan ashtu, djalin ashtu dhe deri tani një motër më vdiq në spital dhe tani më ka vajtur shpenzimet për ilaçe 2 milion e 800 mijë lekë të vjetra. Kur unë jam pa punë gjithë familjarisht, që ditën që mori pushtetin PS-ja më persekutoi personalisht! Por i bëj thirrje gjithë qytetarëve të Elbasanit në doni ndryshim, shihni sytë te Lul Basha, ky është ndryshimi, ky është intelektuali që i jep ndryshim Shqipërisë, një djalë me vizion që është për të gjithë popullin.”

Duke u njohur me shqetësimet e tyre, Lulzim Basha tha se 25 prilli është dita që qytetarëve të Elbasanit do t’u kthehet dinjiteti i munguar. Ai tha se me reformat që do të marrë Partisë Demokratike, në ekonomi dhe në të gjitha fushat e tjera, do luftohet papunësia, do hapen vende pune, si dhe do mundësojë që shqiptarët ta përballojnë koston e jetesës.

Lulzim Basha: Është Elbasani i qytetarisë dhe Elbasani i dijes, Elbasani i Normales, fillimit të progresit të Shqipërisë drejtë dijes. Ka ardhur koha që këtë qytetari dhe këtë kulturë të Elbasanit, ta vendosim në piedestal, aty ku për 8 vite me radhë për fat të keq janë vendosur llumi i shoqërisë. Kanë 8 vite që Elbasanit të kulturës, Elbasanit të qytetarisë, Elbasanit të arsimit, i kanë vënë mbi krye injorant, njerëz që e kanë mendjen vetëm me vjedh e me u pasurua për veten e tyre.

Dhe po jua them edhe njëherë: unë e ndjej si thirrje, si thirrjen tuaj për t’i prirë betejës për këtë ndryshim, është thirrja juaj që të ketë një ndryshim, është thirrja e qytetarëve shqiptarë që të ketë një ndryshim dhe kjo më obligon t’i prij betejës për ndryshimin, por ndryshimi do të jetë i vërtetë dhe i prekshëm kur të mos lë pas dhe mos të harroj asnjë aspekt të jetës së shqiptarëve duke përfshirë artin dhe kulturën. Ndaj nuk do të keni vetëm një qeveri të ekonomisë. Po, do të keni një qeveri të ekonomisë, do të keni një kryeministër të ekonomisë që do luftoje papunësinë, të hapë vende pune, që do kujdeset që shqiptarët ta përballojnë koston e jetesës, me taksa të ulëta për sipërmarrjen por do të keni edhe një kryeministër të dijes. Do investoj shumë tek arsimi, tek dija, tek kultura, për këtë ju siguroj sot, këtë Ditë të Verës nga Elbasani i normales, nga Elbasani i arsimit, nga Elbasani i kulturës. Të bëhemi të gjithë bashkë në 25 prill që në 26 prill ta festojmë edhe njëherë ditën e verës, ditën e ndryshimit që pret Elbasani dhe që pret e gjithë Shqipëria.

spot_imgspot_imgspot_imgspot_img
spot_img
RELATED ARTICLES

Most Popular