​E rëndë/ E reja qëllohet për vdekje nga dy burrat rivalë që donin të martoheshin me të

0

Një britanike është vrarë në Pakistan nga dy burra që konkurronin për t’u martuar me të, raportojnë mediat vendase.

26-vjeçarja Maira Zulfiqar është qëlluar me armë dhe është mbytur nga dy të dyshuar që hynë në apartamentin e saj dje në kryeqytetin e Pakistanit, Lahore.

Studentja e drejtësisë kishte shkuar në Pakistan dy muaj më parë nga Britania për të punuar në degën vendase të kompanisë ligjore Duncan Blackett.

Ajo kishte marrë një apartament me qira, ku dhe u gjet e vdekur pranë celularit të saj, raportonin mediat vendase.

Ekzaminimet mjekësore tregonin se vajza ishte mbytur dhe qëlluar me armë, ndërsa në trup kishte shenja gërvishtjeje.

Policia e Lahore tha se të dyshuarit kishin hyrë me forcë në shtëpinë e saj në atë që besohet se ishte një “krim pasioni”.

Në dokumentet ligjore të depozituara nga xhaxhai i të ndjerës thuhet se dy burrat ishin të njohur të vajzës dhe po tentonin ta bindnin të pranonte martesën me një prej tyre, por ajo i kishte refuzuar të dy.

Dy të dyshuarit nuk janë ndaluar ende nga policia, e cila thotë se hetimet vazhdojnë.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.