Grabitje në Tiranë, autorët dhunojnë 55-vjeçarin që po transportonte me motor vlera monetare të një pike valute

0

Një grabitje ka ndodhur pak minuta më parë në Tiranë, te rruga e Kavajës. Policia njofton se është dhunuar me sende të forta dhe është grabitur një 55-vjeçar, i cili ka qenë duke transportuar me motorr vlera monetare të një pike valute.

Tiranë/Informacion paraprak

Me datë 04.05.2021, rreth orës 09:05, në rrugën e “Kavajës” në kryqëzim me rrugën “Mihal Duri”, 2 persona ende të paidentifikuar kanë goditur me sende të forta dhe më pas i kanë marrë një shumë parash shtetasit Q. Z., 55 vjeç, i cili po transportonte me motorr vlera monetare të një pike valute.

Autorët e dyshuar të ngjarjes në largim e sipër kanë braktisur motomjetin me të cilin po qarkullonin dhe janë larguar me këmbë nëpër rrugica.

Sherbimet e Policisë kanë shkuar menjeherë në vendngjarje dhe po bëjnë kontrollin e zonës.

Grupi hetimor po punon për sqarimin e rrethanave të ngjarjes.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.