BallinaKryesoreMosnjohja e zgjedhjeve nga PD-ja, Mark Marku paralajmëron protesta: Reagimi do të...

Mosnjohja e zgjedhjeve nga PD-ja, Mark Marku paralajmëron protesta: Reagimi do të jetë në të gjitha format

Deputeti i Partisë Demokratike për Qarkun e Lezhës, Mark Marku, ka bërë me dije se në takimin e sotëm në selinë e PD-së me kryedemokratin Lulzim Basha u diskutua mbi mbledhjen e provave dhe dokumentimin për masakrën zgjedhore, që sipas tij i është bërë Shqipërisë.

Deputeti i zgjedhur më 25 prill deklaroi: “E para, Partia Demokratike siç u tha dhe në takim, po punon fort për të dokumentuar të gjithë dokumentacionet dhe akuzat për masakrën zgjedhore që është bërë në Shqipëri. Problemi është se duhet të jepen provat juridike të denoncimeve që janë të pafundme.

E dyta, te format e reagimit nga protestat masive, të gjithë format. Mos njohja e zgjedhjeve nuk nënkupton mos pjesëmarrje në parlament.

Në gjykimin tim duhet të jetë një luftë totale për largimin e bandave dhe Ramës. Duhen kombinuar të gjitha format e rezistencës.

Reagimi do të jetë në të gjitha format, nuk do të njihen zgjedhjet nga Partia Demokratike”.

spot_imgspot_imgspot_imgspot_img
spot_img
RELATED ARTICLES

Most Popular