BallinaKronikePrej 4-vitesh nuk takon fëmijët/ 36-vjeçarja: Vajzat më thonë “rrugaçe”, ish-vjehrri më...

Prej 4-vitesh nuk takon fëmijët/ 36-vjeçarja: Vajzat më thonë “rrugaçe”, ish-vjehrri më kërcënonte në rrugë

Historia e trishtë e Xhevahire Abrazhdës është trajtuar në emisionin “Shqipëria Live”, ku 36-vjeçarja ka rrëfyer se nuk i ka takuar fëmijët prej 4-vitesh.

Abrazhda ka zbuluar se në familjen e bashkëshortit e trajtonin shumë keq dhe vendosi që të divorcohej, por kjo i largoi tre vajzat dhe bëri që të përballej me kërcënime të shumta.

Xhevahire Abrazhda: Kunata dhe vjehrra thonin se vjen nusja e bën magji. Nuk i takoj vajzat prej 4-vjetësh. Ish-vjehrri ishte i dhunshëm, më ka kërcënuar dhe në rrugë se do më vrasë. Që kur ka vdekur, ka qenë më e thjeshtë, por babai i ka mësuar që të mos i flasin nënës dhe ta ofendojnë. Më thonë “rrugaçe” sepse ai ia ka dhënë edukatën. Që kur jemi ndarë kështu ka qenë.

Vajza e madhe, Klementina ka thënë se nuk do të shkojë të jetojë me mamanë sepse nuk ka të ardhme se ajo jeton në Librazhd. Ndër të tjera, vajza ka shtuar se për to kujdesej gjyshja e sëmurë sepse e ëma (Xhevahirja) shihte telenovela gjithë ditën.

Xhevahire Abrazhda: Jetoj në Peqin dhe jemi 5 minuta larg. Kam punuar si skllave në shtëpinë e tyre dhe nuk kam parë telenovela. E di gjithë Peqini kush jam unë. /TCH/

spot_imgspot_imgspot_imgspot_img
spot_img
RELATED ARTICLES

Most Popular