Ish-kryeministri Sali Berisha ka publikuar në rrjetet sociale një bisedë mes dy personave me mesazhe në telefon, ku një prej tyre tregon se ka marrë lekë nga Partia Socialiste në këmbim të votës për zgjedhjet parlamentare të 25 prillit.
Gjatë bisedës ai përmend emrin e Denis Gjonit, sipas tij, drejtor finance tek Ujësjellës-Kanalizimi që i ka dhënë lekët, një shumë prej 50 mijë lekësh. Pavarësisht lekët që ka marrë nga PS, ai tregon se votën ja ka dhënë PD-së.
“Shperndarja e lekeve per vota nga shefi i financave!” shkruan Berisha krahas mesazheve të publikuara.
