Dy turistë kanadezë kanë mbetur të bllokuar me makinë për disa orë në një përrua në zonën e Skraparit.
Policia thotë se ata kanë kërkuar ndihmë pasi makina e tyre kishte ngelur në baltë dhe nuk e dinin vendin ku ishin bllokuar.
Pas marrjes së informacionit, policia është nisur në kërkim të turistëve dhe pas disa orësh bënë të mundur gjetjen e tyre.
Rreth orës 13:50, në Komisariatin e Policisë Skrapar ka mbërritur një telefonatë nga dy turistë kanadezë, të cilët kërkonin ndihmën e Policisë, pasi për shkak të terrenit të vështirë mjeti i tyre kishte ngelur në baltë në një përrua dhe ata nuk dinin vendin ku kishin ngelur.
Shërbimet e Policisë menjeherë pasi morën njoftimin, nisën kërkimet për turistët dhe pas disa orësh bënë të mundur gjetjen e tyre.
Punonjësit e Policisë iu kanë dhënë ndihmë turistëve, duke u nxjerrë mjetin nga vendi ku kishin ngelur dhe më pas i kanë shoqëruar deri në rrugën kryesore.
Turistët janë në gjendje të mirë shëndetësore dhe kanë falënderuar Policinë për ndihmën e dhënë.