Detaje të tjera kanë dalë nga ngjarja e rëndë e ndodhur mbrëmjen e djeshme në Berat, ku një i mitur 7-vjeçar ka humbur jetën teksa lahej në lumë
Mësohet se i mituri, që i përket komunitetit rom, kishte shkuar me babanë e tij për të kullotur bagëtitë buzë lumit Osum dhe në një moment 7-vjeçari ka ikur nga vëzhgimi i të atit për t’u larë në lumë.
Pasi nuk po kthehej në bregdet, babai e ka kërkuar për orë të tëra vogëlushin, derisa e gjeti të pajetë.
Më pas, ishin forcat e policisë së bashku me ndihmën e banorëve të cilët nxorrën buzë lumtit trupin e të miturit.