“Il dottore”, Valentino Rossi tërhiqet nga garat e motorëve, Moto GP. Piloti karizmatik italian dorëzohet në moshën 42-vjeçare, duke i dhënë kështu lamtumirën garës me motorë në fund të këtij sezoni.
42-vjeçari i cili ka fituar 9 tituj botërorë dhe i vetmi në historinë e kampionatit botëror që e ka fituar titullin me katër motorë të ndryshëm, ka deklaruar se ky është sezoni i fundit që garon.
“Ishte diçka e mrekullueshme. Kam kaluar momente të paharrueshme, por nga viti tjetër jeta ime do të ndryshojë. Unë nuk do të garoj, nuk do e bëj më atë që kam bërë për 30 vite me radhë. Do doja të garoja edhe për 25 vite të tjera, por kjo nuk është e mundur”, tha në konferencë Rossi, i njohur ndryshe me emrin “Doktori”
Rossi, aktualisht është pilot i Petronas Yamaha dhe largohet nga MotoGP, pas plot 26 sezoneve. Në nëntor, ai pranoi se pasi u testua përsëri pozitiv për Covid-19, ai ishte surprizuar nga mënyra se si sëmundja kishte ndikuar në shfaqjet e tij në gara.
@ValeYellow46 announcing he will retire racing from @MotoGP at the end of the season. Thanks for the great entertainment of over 25 years. #thedoctor #wlf #VR46 #GOAT pic.twitter.com/v9SKf0ydXg
— Divan Lamprecht (@divanlamp) August 5, 2021
“Unë thashë gjatë sezonit se do të merrja vendimin tim për vitin e ardhshëm pas pushimit të verës dhe vendosa të ndalem në fund të sezonit,” shtoi ai. “Kështu që për fat të keq ky do të jetë sezoni i fundit si një pilot i MotoGP”.
