Një i ri ka humbur jetën në Krujë, pasi dyshohet se ka rënë nga kati i tretë i banesës. Sipas burimeve zyrtare ai nuk iu ka rezistuar dot plagëve të rënda dhe ka ndërruar jetë rrugës për në spital.
Policia njofton se “në fshatin Thumanë, Krujë, dyshohet se ka rënë nga kati i 3-të i banesës së tij shtetasi K. Ç., 25 vjeç, i cili si pasojë e plagëve të marra ka ndërruar jetë gjatë transportimit të tij për në spital“.
Grupi hetimor ndodhet në vendngjarje dhe po punon për zbardhjen e rrethanave të ngjarjes./
