Një adoleshente ka bërë një arratisje dramatike duke u hedhur nga dritarja pasi dyshohet se është rrëmbyer dhe torturuar.
Pamjet tregojnë vajzën 19-vjeçare që i var këmbët nga një dritare para se të hidhej nga ndërtesa në qytetin turk të Antalisë të enjten.
E reja, e quajtur në mediat lokale si Sirin N.E., ra mbi një makinë të parkuar para se të zbriste në trotuar, me dëshmitarë të tronditur që nxituan për ta ndihmuar.
Kalimtarët duke mos kuptuar se gjoja ishte në rrezik, u përpoqën ta nxisnin të kthehej brenda dhe thirrën policinë. Sirin kishte bërtitur për ndihmë para se të binte 30 metra.
Sirin i mbijetoi rënies, por u plagos rëndë dhe fotografitë e tregojnë atë të veshur me një mbajtëse qafe dhe duke u marrë me një barelë nga mjekët. Ajo u dërgua në spital për mjekim.
Sipas saj disa burra nga Irani e rrëmbyen dhe e torturuan, duke thënë se “ata u përpoqën ta shisnin”.
