Policia ka sqaruar ngjarjen e rëndë që ndodhi në Astir pak pas mesnate, ku një ashensor me njerëz brenda ra poshtë.
Sipas raportimit të policisë, ashensorit i janë këputur kavot.
Më datë 12.09.2021, rreth orës 00:05, në Astir, dyshohet se në një pallat është shkëputur ashensori. Si pasojë është dëmtuar shtetasja M. Q, e cila pas marrjes së mjekimit, u largua për në banesë, dhe një shtetase tjetër, ende e paidentifikuar e cila ndodhet në spital, nën kujdesin e mjekëve. Vijon puna nga grupi hetimor për sqarimin e rrethanave të ngjarjes.
