Gazetari: Makina luksoze e Ramës? Aty kërcasin pazaret e koncesionet

0

Nga Klodian Tomorri

E di ça populli i mbrapshte jemi ne?

Ne e duam kryeministrin fukara. Që të lëvizë me smart ose fiat panda të 85-ës. Mos të ketë asnjë llogari bankare, ta ketë rrogën 1 mije e pak euro. Mos të ketë shtëpi, vilë e gjëra si këto. Ministrat i duam hallexhinj për bukë të gojës, të presin ditën e rrogës.

Ky është një budallik i madh dhe këta, politikanët tanë e kanë kuptuar këtë histori. Ndaj deklarojnë kështu budalliqe me okë. Njëri thotë kam vetëm tre mijë euro pasuri, një tjetër thotë kam vetëm një apartament 2 plus 1, etj, etj

Marrëzia bëhet aq e madhe saqë Kryeministri u thotë ministrave pushimet do i bëni vetëm në Divjakë ose Spille. Në hotel maksimumi 20 mijë leke dita (të vjetra).

Një çmendinë e madhe. Të gjithë e dine se gënjejne dhe të gjithë gënjejnë njëri-tjetrin. Po pse, te makina e Rames u prish puna? Edhe sikur 7 milionë euro ta ketë blerë atë, ai prapë nuk është asgjë.

Këtu kërcasin pazaret me tendera, koncesionohen të drejta ekskluzive, transferohet buxheti në llogari private, paska mbetur halli te makina e Ramës.

Jo po të vejë me gomar në punë Rama, t’i hipi gomarit në mëngjes në Surrel dhe të zbresë poshtë për në zyrë.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.