Një ngarje e rëndë ka ndodhur pasditen e sotme në qytetin e Elbasanit, ku një fëmijë i moshës 6-vjeçe është rrëzuar aksidentalisht nga ballkoni i katit të gjashtë i një pallati.
Mësohet se ngjarja ka ndodhur rreth orës 15:50 në lagjen “28 nëntori” të qytetit, ndërkohë që i mituri me iniciale O.L., është dërguar me urgjencë për të marrë ndihmën e nevojshme në spital, por nuk ka mundur t’i mbijetojë dot plagëve të marra.
Policia nodhet në vendngjarje dhe ka nisur hetimet për zbardhjen e plotë të ngjarjes.
“Më datë 22.09.2021,rreth orës 15:50, në lagjen “28 Nëntori “, Elbasan, shtetasi O.L., 6 vjeç, ka rënë nga ballkoni i banesës ku jetonte nga kati 6 , dhe për pasojë ka humbur jetën në Spitalin Rajonal Elbasan.
Grupi hetimor ndodhet në vendngjarje dhe po punon për dokumentimin e plotē të rrethanave të ngjarjes”, thuhet në njoftimin e policisë.
