Një ndër më të votuarit e kryesisë së PD, Gerti Bogdani deklaroi se është i hapur për të kandiduar për kryetar të Bashkisë së Tiranës në zgjedhjet e ardhshme lokale.
I ftuar në emisionin e mëngjesit në ‘Euronews Albania’, Bogdani tha se është gati të hyjë në garën për kreun e bashkisë së Tiranës nëse ka besimin e partisë, pasi sipas tij kryeqyteti ka nevojë për një ndryshim thelbësor.
Deklarata e Bogdanit i ka tërhequr vëmendjen kreut aktual të bashkisë së Tiranës, Erion Veliaj.
Ky i fundit duket se e ka mirëpritur gatishmërinë e Bogdanit për të kandiduar për bashkinë e Tiranës dhe për ta patur një rival potencial në zgjedhjet e ardhshme lokale, pasi nuk ka hezituar për ta pëlqyer deklaratën e Bogdanit në një postim të Euronews në twitter.