Stadiumi “Air Albania” pret sot derbin e kryeqytetit mes Tiranës dhe Partizanit, një sfidë shumë e rëndësishme për renditjen e kampionatit, por sidomos për prestigjin për të dy skuadrat.
Ato vijnë në pozita të ndryshme dhe në situata të ndryshme. Nga njëra anë, trajneri Shehi ka patur luksin të zgjedhë mes të gjithë lojtarëve pasi nuk ka mungesa për këtë duel ku kërkon të konfirmojë përsëri ekipin e tij si kryesues në renditje.
Ndërsa nga ana tjetër, Daja ka improvizuar mes mungesave të shumë lojtarëve të rëndësishëm për dëmtime, duke ndryshuar thuajse në çdo repart skuadrën e tij për këtë ndeshje.
LIVE TIRANA-PARTIZANI 1-0
45’+7′ (p) Limaj
MINUTË PAS MINUTE
45’+7’ Gjuan Limaj përballë Hoxhës dhe vjen goli i Tiranës.
45’+5’ Penallti për Tiranën. Dhe e vendos VAR. Belica kishte ndërhyrë ndaj Tolit në zonë por pamjet u shikuan vetëm pasi kishte marrë fund situata me përplasjen e lojtarëve.
45’+4’ Tensionohet dueli me një përplasje mes Behirjacce dhe Stenio Zhunior që pasohet më pas nga pjesa tjetër e dy skuadrave. Karton i verdhë për mbrojtësin e Tiranës.
45’ Jepen 6 minuta shtesë.
44‘ Hamitaj thirret nga VAR të shohë pamje për një aksion të të kuqve dhe një përplasje mes futbollistëve. Pas dy minutash shqyrtim, ai kthehet dhe vazhdon lojën.
39’ Stenio Zhunior ndëshkohet me të verdhë.
37’ Rrezik në portën bardheblu. Bekaj gabon në daljen e tij dhe Filipoviç me kokë devijon sferën duke e drejtuar në portë. Mbrojtësit bardheblu devijojnë para kalimit të vijës fatale.
35’ Aksion i gjatë i Tiranës, me topin që harkohet nga e djathta për Seferin dhe Ngo në qendër. I pari
