Ditën e sotme në Bullgari, Maqedoninë e Veriut dhe Kosovë është shpallur ditë zie në shenjë solidarizimi dhe nderimi të qytetarëve të Maqedonisë së Veriut, që humbën jetën tragjikisht në një aksident në Bullgari.
Megjithatë, e njëjta gjë nuk ndodhi edhe në shtetin tonë dhe për këtë ka reaguar edhe këngëtarja e njohur, Besa Kokëdhima.
Përmes një postimi në InstaStory, ajo e ka konsideruar turp për këtë që bëri Shqipëria.
“44 bashkëkombas humbën jetën. Bullgaria, Maqedonia e Veriut & Kosova kanë shpallur ditë zie. Po shteti amë? Turp”, ka shkruar Besa.
Mëngjesin e djeshëm autoritetet bullgare raportuan se 46 persona ndërruan jetë, pasi autobusi u përfshi nga flakët të martën në Bullgarinë perëndimore./
