Edi Rama: PD po shkon drejt shkatërrimit!

0

Kryeministri Rama e quajti tragjikomike atë që po ndodh me Partinë Demokratike pas shpalljes non grata të Sali Berishës nga SHBA. Rama tha se ishte e rëndë ajo që kishte ndodhur për karrierën politike të Berishës, por akoma më e rëndë ishte fakti që “të ketë jehonë një marrëzi e natyrës që kjo që ndodhi është konspiracion i Sorosit apo forcave të tjera dhe Departamenti i Shtetit Amerikan paska vepruar në presion të një force të jashtme, kjo është çmenduri” tha Rama.

I pyetur se në përplasjen Berisha-Basha ishte përkrah njërit apo tjetrit, Rama tha se kishte vendosur me veten të mos e komentonte historinë e Sali Berishës.

“Me kë jam unë? Unë nuk jam me asnjërin se megjithëse janë tipologji të ndryshme, në thelb janë e njëjta gjë. Kam marrë një vendim me veten. Të mos e komentoj historinë e Saliut. është shumë më e rëndë se ç’duket për vendin tonë, Një njeri që ka pasur për 30 vjet të gjitha, që mund të ketë qenë president, kryeministër, lidershipin e një prej dy partive kryesore, shpallet non grata nga një vend strategjik për Shqipërinë, pra nuk është një vend që ka marrëdhënie të dyshimtë me SHBA, dhe banalizimi ekstrem që i bëhet dhe relativizimi banal që i bëhet, si produkt konspiracionesh etj etj,,, është shumë e rëndë kjo për Shqipërinë. Dhe vënia në diskutim e faktit që kjo gjë e rëndë, nga një gur në qafën e një njeriu, prandaj nuk e kam komentuar se është fatkeqësi që një karrierë politike të përfundojë me një gur në qafe dhe nga qafa e një njeriu kthehet në gur në qafën e një vendi, është e tepërt.

Nga ana tjetër është tragjikomike kjo që ndodh me PD . Si humor i madh i universit, që ia kthen mbrapsht të gjitha ato që i ka pasur sebep për t’i rënë në qafë të tjerëve. Di që një aset i politikës shqiptare është në shkatërrim e sipër” u shpreh Rama.

Gjithsesi i pyetur disa herë në studion e Të paekspozuarit, Rama tha se nëse do të ishte cinik pragmatist, që do të mendonte vetëm për interesin e tij personal, do të kishte zgjedhur Sali Berishën. “Do cinizëm pragmatik? Me Berishën! Nëse do isha i zhveshur nga interesi për vendin, nga pikëpamja personale, më falni për mungesën e modestisë, si njëri si tjetri… Por nga pikëpamja e vendit, atë (Berishën), që kjo parti të mos shikojë dritë dielli me sy” tha Rama.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.