Evropa kompletoi xhiron e saj të parë të kualifikueseve të Botërorit në mesin e muajit nëntor, lidhur me eliminatoret për Botërorin 2022, ku Holanda ishte e fundit nga kombëtaret e mëdha që preu biletën direkte për në Katar.
Sot, ishin 12 skuadrat e mbetura play-off të cilat mësuan rrugëtimin e tyre të mundshëm drejt Katar 2022 në ndeshjet të cilat do të luhen në muajin mars për 3 vendet e fundit.Shorti ka qenë i pamëshirshëm sidomos me Italinë. Kjo e fundit ra në minigrupin ku është edhe Portugalia e Cristiano Ronaldos. Kampionia e Europës në fuqi, do të vihet fillimisht në shtëpi përballë Maqedonisë së Veriut dhe nëse shkon në finalen e vogël, do të luajë në transfertë ndaj fitueses së çiftit Portugali-Turqi.
Të gjitha ndeshjet janë me eliminim direkt pra luhen me një sfidë të vetme.
GRUPI A
Gjysmëfinalja 1: Skoci – Ukrainë
Gjysmëfinalja 2: Uells – Austri
FINALJA: Uells/Austri – Skoci/Ukrainë
GRUPI B
Gjysmëfinalja 1: Rusi – Poloni
Gjysmëfinalja 2: Suedi – R. Çeke
FINALJA: Rusi/Poloni – Suedi/R. Çeke
GRUPI C
Gjysmëfinalja 1: Itali – Maqedoni e Veriut
Gjysmëfinalja 2: Portugali – Turqi
FINALJA: Portugali/Turqi – Itali/Maqedoni e Veriut
