NATO refuzon kërkesën ruse për moszgjerim në Lindje

0

NATO ka refuzuar në mënyrë kategorike kërkesën e Moskës për “garanci ligjore” për të frenuar zgjerimin e Aleancës në Lindje me anëtarë të rinj.

Kështu tha Sekretari i Përgjithshëm i NATO-s, Jens Stoltenberg, gjatë konferencës për shtyp pas Këshillit NATO-Rusi

“Aleatët nuk janë të gatshëm të bëjnë kompromis mbi parimet kyçe si e drejta e vendeve për të zgjedhur rrugën e tyre dhe e drejta e anëtarëve të Aleancës për mbrojtje reciproke”. Megjithatë, NATO është e hapur për dialog “për kontrollin e armëve, kufizimet mbi raketat, politikën bërthamore dhe sigurinë kibernetike”, tha Stoltenberg.

Gjatë Këshillit NATO-Rusi, u shfaqën dallime të rëndësishme midis Moskës dhe aleatëve të NATO-s, të cilat nuk janë të lehta për t’u kapërcyer. Por pikërisht për këtë arsye është edhe më e rëndësishme të vazhdohet dialogu.” tha sekretari i Përgjithshëm i NATO-s.

NATO-ja kundërshton grumbullimin e trupave ruse përgjatë kufirit të Ukrainës me argumentin se ky veprim cenon sigurinë e Evropës, ndërsa Rusia kundërshton anëtarësimin e Ukrainës në NATO-s, vend kufitar me të, pasi për Moskën mbërritja e trupave të aleancës në kufi, paraqet kërcënim.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.