Një ngjarje që i ka kapur në befasi autoritetet ukrainase ka ndodhur ditën e djeshme.
Sipas mediave të huaja Ministri i Brendshëm i Ukrainës u detyrua të ulej në tokë për t’u mbrojtur gjatë një vizite në vijën e parë të konfliktit tetë-vjeçar me separatistët pro-rusë të shtunën.
Gazetarët që shoqëronin ministrin, Denys Monastyrsky thanë se zona u vu nën breshëri të befasishme gjatë vizitës së ministrit për t’u takuar me trupat dhe për të inspektuar trupat pranë Novoluganske, në rajonin Donetsk të Ukrainës lindore.
Ndërkohë që mësohet se shpërthime janë dëgjuar përsëri në mbrëmjen e djeshme në Ukrainën Lindore. Sipas disa raportimeve, shpërthime janë dëgjuar në Donetsk, rajon ky i cili udhëhiqet nga separatistët e mbështetur nga Rusia.
Po ashtu, gjatë ditës së djeshme u raportua se ushtarët ukrainas janë sulmuar në këtë rajon.
