BallinaAktualitetProtesta para kryeministrisë, Bujar Leskaj: Sot ndoshta filloi pranvera shqiptare që do...

Protesta para kryeministrisë, Bujar Leskaj: Sot ndoshta filloi pranvera shqiptare që do t’u dëshmojë të gjithëve se Rama nuk është i pathyeshëm

Nga Bujar Leskaj

Sot ndoshta filloi pranvera shqiptare, stina e protestave, e cila do t’u dëshmojë të gjithëve se Rama dhe sekti i tij nuk janë të pathyeshëm, e të pacënueshëm.

Ata mijëra njerëz sot në shesh, që do të mblidhen ditë për ditë do t’u tregojnë të gjithëve që e kanë gabim po menduan me arrogancë se mund të tallen me popullin.
Shqiptarët nuk janë të varfër, janë të vjedhur!
Shqiptarët nuk janë pa dinjitet; e dëshmuan sot. Do ta dëshmojnë edhe nesër.
Shqiptarët nuk janë të varfër, por kanë një kryeministër harbut që ka mbi dy dekada në majë të pushtetit dhe përpiqet të ingtimidojë shqiptarët, duke u thënë se kaq meritojnë dhe të mos pretendojnë shumë.
Shqiptarët janë të vjedhur nga një sekt, që ndërkohë që çmimet prekin stratosferën, duke varfëruar gjithnjë e më shumë shqiptarët, ata festojnë në Dubai me udhëtime luksoze private.
Shqiptarët dëshmuan sot në protestë se janë të kthjellët, se kanë guxim, mendim, energji; dinë të organizohen e të reagojnë.
Çfarë do t’i ngelej sektit armiqësor në qeveri përballë një modeli të tillë politik e reagimi të tillë qytetar?
Do të vazhdonin të ishin kaq arrogantë, hajdutë e armiqësorë me popullin?
Jo!
Përballë reagimit masiv të shqiptarëve, sektit Rama do t’i ngeleshin veçse disfata, frika, zmbrapsja, arratisja.
Ata mijëra qytetarë sot përpara kryeministrisë dëshjmuan se protestat e vazhdueshme do ta rrëzojnë këtë qeveri; dëshmuan se shqiptarët e ndërgjegjshëm vështirë se do ta shesin për miell votën e tyre; dëshmuan se nuk do të lejojnë më keqqeverisjen.
A ka rrugë për daljen nga kjo krizë e stimuluar nga qeveria dhe oligarkët?
Po, ka!
Rama të heqë urgjentish taksën e qarkullimit dhe TVSH nga nafta dhe energjia elektrike, si dhe të përgatisë menjëherë një paketë solidariteti për familjet në nevojë që të përballohet kriza.
Sot, mijëra qytetarë dolën spontanisht në shesh!
Nesër, të organizuar dhe me mbështetjen e sinqertë dhe reale të opozitës, këtë regjim ata e hedhin në Lanë!

RELATED ARTICLES

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments