Nga Rezenbrik Serjani
Drejtuar Deputetit Rilindas-Socialist Ilir Metajt!
Paturpësisht, me anën e ushtarit të sektit të Rilindjes Socialiste Urbane, dolën dje dhe rimbrojtën shpifësirën prej betoni në Sheshin e Flamurit ! Ushtari i sektit Rilindas-Socialist, deputet i sektit në Vlorë, ushtari i panjohur, që shkel në Vlorë sa herë i jep urdhër partia-sekt, doli dhe me delirin e kënaqësive që i jep shefi i tij, doli dhe kakariti për Sheshin e Flamurit, pacipërisht duke thënë se është kryevepër e Rilindjes Urbane.
Zoti Deputet Socialist, Me kakaritjen e djeshme turpërove edhe ato pak njohuri që ndoshta ke. Zoti deputet, mos mbulo diellin me shosh, sepse shpifësirën tuaj 3D, nuk ka vlonjatë e vlonjate që e do me shpirt . Të mbrosh atë shëmtirë betoni, je kundër historisë. Të mbrosh atë terminal prej kollonaresh je kundër Vlorës.
Doza butaforike kakaritjes tënde i shtove kur na fole dhe për lulëzimin ekonomik të Vlorës. Zoti Deputet, Nëse nuk e mbron dot Sheshin e Flamurit, mos mbro shëmtirat e qejfit të kryetarit tënd të sektit, sepse përdhos xhaketën prej deputeti të Vlorës.
Kthjellohu Zoti Deputet ! Nëse vërtetë e mbron monstrën e betonit 3D, nëse vërtetë e do atë shpifësirë betoni mbi Sheshin e shenjtë të Kombit, si vlonjatë, si i arsimuar ndoshta edhe si intelektual, Turpi të Mbuloftë !
