Fansat e Luana Vjollës janë shqetësuar së fundmi për shkak të disa veprimeve të dyshimta të moderatores së njohur në profilin e “Instagram”-it.
Fillimisht çaktivizoi adresën dhe më pas Luana u kthye sërish, por kësaj here fshiu çdo postim të saj në këtë rrjet social . Madje ajo vendosi të heqë edhe foton e profilit nga “Instagrami”
Më pas moderatorja e dashur për publikun bëri një postim në “Instastory”. Ajo publikoi një fotografi të saj, ku në fakt tregon shumë pak, ndërsa postimin e shoqëron me shkrimin “Traumë”.
Nuk e dimë ç’ka ndodhur vërtetë me moderatoren, mirëpo pak ditë më parë ajo bëri me dije se po punonte për një projekt të ri muzikor. Ndaj, kjo mund të jetë një mënyrë e mirë për të tërhequr vëmendjen që dëshiron për këngën e re që po sjell.
Megjithatë, asgjë s’dihet ende. Pas një kohe të gjatë larg televizionit, Luana nuk është shfaqur më në asnjë projekt tjetër televiziv, duke marrë një pushim nga moderimi. Por së fundmi është zbuluar se ajo ka vendosur më në fund të rikthehet në ekranin e shqiptarëve, tashmë me disa ndryshime të mëdha.
