Pas një performance plot energji, Ronela Hajati nuk arrin të kualifikohet në finalen e “Eurovision”-it. Ajo hapi mbrëmjen me këngën “Sekret” duke na emocionuar me performancën e saj.
Shqipëria nuk arriti të siguronte biletën për në finale. Kënga e Ronelës shkaktoi mjaft zhurmë që nga përzgjedhja e saj dhe konsiderohej si një favorite për në finale. Hajati shkëlqeu në finale duke na dhuruar një përfaqësim dinjitoz bashkë me Klaudia Pepën dhe kërcimtarët e tjerë
Në natën e parë ishin në garë 17 shtete për një vend në finalen e madhe, ndër to dhe Shqipëria. Shtetet kualifikuese u shpallën në mënyrë të rastësishme. Organizatorët nuk do të zbulojnë ndarjen e saktë të pikëve deri pas finales së madhe
“Eurovision”-i dhe performanca e përfaqësueses së Shqipërisë u komentua ditën e sotme në emisionin “Shqipëria Live”në Top Channel. Në lidhje “Skype” ishte kryeredaktori i “Wiwiblogs”,William Lee Adams.
Moderatorët e pyetën William se pse nuk shkoi Ronela Hajati në finale?
“Nuk e dimë derisa të shohim rezultatet të shtunën. Por tani është e vështirë të themi. Rezultatet e jurisë jepen pas finales së madhe.
Ka patur 200 gazetarë, brohoritma shumë dhe është pëlqyer performanca e Ronelës. Juria do të zbulojë votat pas finales së madhe”, tha Lee Adams.
Ndërsa i pyetur nëse ka komunikuar me këngëtaren shqiptare, gazetari u shpreh se “po”.
“Kam biseduar përmes ‘WhatsApp’ pas rezultateve për në finale. Më nisi një foto dhe duket se është pak e lënduar. Por ka fituar shumë fansa nga e gjithë Europa”, përfundoi ai.
