Nga Florjan Nuri
Edi Rama mund ta priste Gjeneral Begaj ne ambjentet e Partise Socialiste. Si Kryetar i kesaj partie. Dhe shembujt per takime te kesaj natyre nuk kane munguar dhe me pare. Sepse ishte PS qe zgjodhi kandidatin per President, jo Qeveria e Shqiperise.
Edi Rama zgjodhi ta takonte kandidatin e zgjedhur per President te Republikes ne zyren e tij. Duke e detyruar te shkelte nje aspekt protokollar te rendesishem. Ai i hierarkise se roleve dhe funksioneve te larta shteterore. Aq me teper kur behet fjale per nje ushtarak te larte i propozuar per te qene President i Republikes!
Pse kjo nevoje per te treguar karshillek dhe per te prishur me kaq nxitim “procesin” e zgjedhjes se Presidentit? Sepse mesa duket zarfat qenkan dorezuar te mbyllura tek PS me emer dhe mbiemer te percaktuar. Ndaj dhe Rama ne fund u orvat t’i tregonte paleve se kush ishte “bosi” i vertete.
Duke i bere punet sic ai di t’i beje. Duke neperkembur si gjithmone aspektet protokollare dhe rendesine qe ka cdo institucion ne Shqiperi. Duke derguar mesazh tek te gjithe faktoret politike sesi e sheh ai rolin e Presidentit te Republikes ne vijim. Dhe duke i vene vulen te gjithe atij procesi qe PS dhe perfaqesuesit e saj me te larte u kujdesen per gjithe kete kohe ta prezantonin si nje rast i mire per te zgjedhur ne krye te shtetit nje figure me integritet.
Pikerisht kete aspekt degjeneroi me duart e tij Edi Rama dje. Pa care koken per askend. Sepse tani ai nuk kujdeset me per te leshuar mesazhe demokracie dhe respekti ndaj institucioneve shteterore. Per te ka me shume rendesi te tregoje fuqine dhe arrogancen e tij, sesa te luaje rolin qe do duhej te luante Kryeministri ne nje vend me demokraci te brishte sic eshte Shqiperia.
Gjeneral Begaj ka perpara nje sfide te madhe. Qe do ta nise me nje paragjykim te madh per te cilin kontribuoi vete. Por, ka ne avantazh te tij te pakten eksperiencen 10 vjecare me dy presidentet paraardhes. Mjafton t’i referohet kesaj eksperience! 24×7 sic tha dhe vete kur u zotua para Shkelqesise se Tij.
Mjafton te kuptoje qe tashme Shkelqesia e Tij i ka marre te gjitha pushtetet. Qe kerkon t’i mbaje tashme me forcen e arrogances. Ndaj Gjenerali do duhet te flase. Se nje President i denje me se paku flet dhe percjell mesazhe shtetari kur sheh qe punet e atdheut po neperkemben cdo dite!
