Duke folur për kërcënimin e SPAK ndaj gazetarëve, për të mos publikuar më dëshmitë e Nuredin Dumanit, ndryshe do të përballen me burg, gazetarja Klodiana Lala ka deklaruar se Prokuroria e Posaçme i druhet ekzekutimit të ndonjë dëshmitari për ngjarjet që ka rrëfyer Dumani.
“Përgjegjësinë për të ruajtur sekretin e ka SPAK. Mua më ka ardhur 3-4 herë një gjë e tillë, por kam vazhduar punën. Në rastin e Dumanit është pak më specifike, sepse janë të rrezikuar shumë njerëz. SPAK me sa duket është i frikësuar se ndonjë nga dëshmitarët mund të ekzekutohet dhe të hiqet qafe. Por, gazetari ka të gjithë të drejtën të botojë lajmin”, tha Lala për emisionin të Pa Ekspozuarit në MCN.
