Duke filluar nga data 1 korrik 2022, paga e ushtarakëve do të rritet me 30%. Vendimi i Këshillit të Ministrave i marrë me 22 qershor është publikuar dje (24 qershor) në Fletoren Zyrtare.
Gjithashtu eshtë miratuar një aneks listë me rreth 38 pozicione brenda Forcës së Armatosur që marrin shtesë mbi shtesën e pagës
E para në listën e shtesave dhe që merr dhe shtesën më të lartë është struktura ushtarake e mbrojtjes kibernetike. Përveç shtesës 30 përqind do të marrë dhe 20 mijë lekë të reja mbi këtë pagë për shkak të rëndësisë që mbrojtja kibernetike ka marrë sot në Shqipëri dhe të gjithë botë.
Pra janë 38 pozicione që marrin shtesë mbi këtë shtesë page.
Masa e shtesës për kushte të veçanta pune e shërbimi që përfitojnë ushtarakët aktivë, të tjerë, në Forcat e Armatosura
Ushtarakët, funksioni i të cilëve përmban dy apo më shumë emërtime, që përfitojnë shtesë për kushte të veçanta pune e shërbime, do të trajtohen vetëm me një shtesë sipas kësaj lidhjeje.
