Një ngjarje e rëndë ka ndodhur në Durrës mëngjesin e kësaj të premte, ku një 29-vjeçare ka ndërruar jetë.
Policia ka njoftuar se e reja është gjetur nga familja pa shenja jete në oborrin e shtëpisë. Nga hetimet paraprake dyshohet se shtetasja me inicialet S. H., ka humbur jetën si pasojë e rënies në kontakt me rrymën elektrike.
Bëhet e ditur se grupi hetimor ndodhet në vendin e ngjarjes dhe po punon për sqarimin e rrethanave të ngjarjes.
Njoftimi i policisë Durrës:
Rreth orës 07:30, në lagjen nr. 14, Durrës, është gjetur nga familjarët, në oborrin e shtëpisë, pa shenja jete, shtetasja S. H., 29 vjeçe, e cila dyshohet se ka humbur jetën si pasojë e rënies në kontakt me rrymën elektrike.
Grupi hetimor ndodhet në vendngjarje dhe po punon për sqarimin e rrethanave të ngjarjes.
