Armando Broja është një ndër emrat më të lakuar të merkatos së verës te skuadra e Çelsit.
Pas paraqitjeve mbresëlënëse si huazuar te Sauthemptoni sezonin e kaluar, sulmuesi i Kombëtares është aktivizuar aktualisht dy herë në Premier Ligë me blutë e Londrës, saqë drejtuesit e këtyre të fundit po e mendojnë seriozisht një qëndrim të 20-vjeçarit në “Stamford Bridge”. Sipas asaj që raporton media pranë ekipit të Çelsit, thuhet se klubi po i ofron rinovimin Armando Brojës teksa kanë nisur bisedimet për vijueshmërinë e bashkëpunimit mes palëve. Aktualisht me fanellën e Çelsit, Broja në Premier Ligë është aktivizuar 16 minuta në fitoren ndaj Evertonit dhe 1 minutë në barazimin në derbin e Londrës ndaj Totenhemit. Panorama Sport
