Një veprim i momentit shpëton jetë. Kështu ndodhi në një restorant në kryeqytet, ku një turiste spanjolle ishte duke u mbytur nga ushqimi mirëpo u shpëtua nga kamarieri.
JOQ ka ndarë me video momentin se si gruaja është mbytur duke u ushqyer në tavolinë. Personat e tjerë janë shqetësuar dhe madje njëri prej tyre nis dhe e qëllon pas shpine mirëpo asnjë nuk i vjen në ndihmë mjaftueshëm.
Në atë moment vjen kamarieri i cili e ngre në peshë nga pas e përplas disa herë me këmbët në tokë dhe rezultate, gruaja shpëton nga mbytja. Ajo e falenderon kamarierin dhe madje i puth edhe dorën atij pasi arriti ta shpëtojë.
