Miliona njerëz janë ngujuar për shkak të stuhisë së dimrit që ka vrarë 34 njerëz në Shtetet e Bashkuara të Amerikës, teksa pritet që numri i viktimave të rritet.
Sipas The Guardian, shumë prej të vdekurve u gjetën të ngrirë në makinat e tyre pasi ishin bllokuar për shkak të stuhisë dhe kushteve të zbardhjes. Shtrirja e stuhisë ka qenë në një shkallë të rrallë të parë, duke u shtrirë nga Kanadaja deri në Rio Grande përgjatë kufirit me Meksikën.
Rreth 60% e popullsisë amerikane u paralajmërua për motin dimëror dhe temperaturat të cilat ranë në mënyrë drastike nga lindja e Maleve Shkëmbore deri te Apalachian
“Në disa zona, të qenit jashtë mund të çojë në ngrirje brenda pak minutash,” tha Shërbimi Kombëtar i Motit (NëS).
Shërbimi këshilloi këdo që udhëton ose del jashtë që “të përgatiten për të ftohtin ekstrem duke u veshur, duke mbuluar sa më shumë zona të ekspozuara të lëkurës dhe të paketojnë komplete sigurie dimërore në automjete”
Stuhia ka çuar në viktima në disa shtete duke përfshirë Kolorado, Kansas, Oklahoma, Nebraska, Nju Jork.
Përtej kufirit në Kanada, autoritetet thanë se një autobus u rrotullua në një autostradë të akullt në British Columbia në prag të Krishtlindjes, duke vrarë katër persona dhe duke plagosur tre të tjerë.
Autoriteti rajonal i shëndetësisë tha se 36 persona u trajtuan për lëndime që varionin nga të lehta në të rënda. Tetë mbetën të shtruar në spital ditën e djeshme, duke përfshirë dy në gjendje të rëndë dhe dy me lëndime jo të rrezikshme për jetën.
Stuhia goditi gjithashtu Ontarion dhe Quebec ditët e fundit, duke shkaktuar anulime fluturimesh dhe mbyllje shkollash dhe ndërprerje të energjisë elektrike për qindra mijëra klientë.
Në SHBA, ndër lokalitetet më të goditura ishte Buffalo, ku dy ditë borë e madhe dhe erëra të forta krijuan kushte që zyrtarët lokalë thanë se ishin më të rëndat që nga viti 1977.
