Edhe pse kanë pasur shumë debate mes tyre, ku nuk kanë munguar as ofendimet, Olta Gixhari e pranon se Luiz Ejlli i duhet shtëpisë së “Big Brother VIP2”.
Sipas saj, një person me karakterin e këngëtarit duhet në shtëpi, edhe pse e bën shtëpinë çorap.
Këtë e tha gjatë një bisede me Kristin, i cili e pyeti në lidhje me Luizin, nëse këndonte para se të hynte në shtëpinë më të famshme në Shqipëri.
Aktorja e njohur u shpreh se Ejlli kishte një dekadë që nuk këndonte dhe që ishte zhdukur. Por më pas tha se Luizi dhe ajo kanë dalë në kohën kur nuk kishte rrjete sociale.
Olta nuk e la me kaq, pasi shtoi se Luizi është një karakter që i duhet shtëpisë. “Po ka shumë si ai”, tha Kristi.
“Po thua se është lehtësisht i zëvendësueshëm. Është karakter që i duhet shtëpisë, pavarësisht debateve dhe se më ka sharë. Një Luiz i duhet shtëpisë dhe do rrijë deri në finale. Dhe e bën shtëpinë çorap”, tha Olta.
