BallinaKryesoreUEFA është gati për ndryshimin radikal, futbolli i kombëtareve nuk do jetë...

UEFA është gati për ndryshimin radikal, futbolli i kombëtareve nuk do jetë si më parë

UEFA ka vendosur të rishikojë formulën e aktiviteteve me ekipet kombëtaret. Komiteti Ekzekutiv i saj, që nesër do të marrë në shqyrtim propozimet për të modifikuar formulën e kualifikueseve të evenimenteve, duke nisur nga ato të Botërorit 2026, meqë numri i skuadrave pjesëmarrëse në fazën finale është rritur.

Plani që do të shqyrtohet është për shumë aktivitete të ndryshme dhe ajo e Botërorit 2026 është më e rëndësishmi, pasi nga tani e tutje në një aktivitet të tillë do të marrin pjesë 16 ekipe përfaqësuese. Për të bërë më të rëndësishme fazën në grupe dhe për të shmangur shumë ndeshje me disnivel mes skuadrave, po mendohet një formulë e re ku të krijohen 12 grupe me nga 4 apo 5 skuadra dhe ku të parat e çdo grupi kualifikohen direkt në këtë Botëror. Për 4 skuadrat që mbeten, emrat do të vendosen në bazë të play-off mes ekipeve të dyta në secilin grup. Po shqyrtohen edhe opsione të tjera, por gjithmonë me idenë që të ulet numri i ndeshjeve gjatë kualifikuesve të Botërorit.

Ndryshimi i dytë ka të bëjë me Ligën e Kombeve, sa i përket mbërritjes në turneun Final Four. Më parë atje shkonin direkt katër fituesit e grupeve përkatëse në Ligën A, ndërsa tani mendohet që të krijohet një play-off i tyre me skuadrat që renditen në vendin e dytë në grupet e kësaj lige.

Ajo që nuk do të ndryshojë është Kampionati Europian, faza finale e të cilit mbetet me 24 skuadra edhe pse u shqyrtua ndryshimi i formulës në 32 skuadra. Në UEFA kanë kuptuar se rritja e numrit të skuadrave mund të ulë cilësinë e fazës në grupe e si rrjedhojë edhe shikueshmërinë e ndeshjeve.

PANORAMASPORT.AL

spot_imgspot_imgspot_imgspot_img
spot_img
RELATED ARTICLES

Most Popular