Ismail Kadare sot mbush 87 vjeç! Bujar Leskaj: Pa të do të ishim edhe më të varfër në diktaturë, edhe më të robëruar, edhe më pa shpresë!

Shkrimtari ynë më i madh, shkrimtari më i madh i gjallë i letërsisë shqipe, shkrimtari i përkthyer në dhjetëra gjuhë të botës.

Një popull pa letërsi të madhe është një popull jo serioz, jo i kulturuar dhe lehtësisht i harrueshëm e i asimilueshëm. Ky rrezik për ne si popull i vogël, do të ishte edhe më i madh, sikur të mos kishim këto 87 vjet, Ismail Kadarenë.

Ismail Kadare me veprën e vet letrare na ka përfshirë në listën e popujve me letërsi të madhe dhe na ka bërë, jo vetëm një popull elitar, por edhe një popull të rëndësishëm kulturalisht, që ka ushqyer edhe kulturat e popujve të tjerë të mëdhenj, me një copëz Shqipërie.

Pa të do të ishim edhe më të varfër në diktaturë, edhe më të robëruar, edhe më pa shpresë!

Edhe 100 Mjeshtër i artë i letrave shqipe!