Më shumë se 150,000 emigrantë kanë shkuar në Mbretërinë e Bashkuar pasi kaluan Kanalin Anglez me varka të vogla që nga viti 2018.
Qeveria filloi regjistrimin e numrit të personave që kanë bërë udhëtimin e rrezikshëm gati shtatë vjet më parë, më 1 janar 2018.
Pika historike u arrit në ‘Boxing Day’, kur 407 njerëz kaluan Kanalin me 10 varka – duke e çuar numrin në 150,243.
Në ditën e Krishtlindjes, më shumë se 450 emigrantë mbërritën në Mbretërinë e Bashkuar me 11 varka.
Sekretarja e Brendshme , Yvette Cooper, ka thënë se qeveria ka një përgjegjësi morale për të trajtuar kalimet e Kanalit – por ende nuk ka vendosur një datë të synuar se kur numrat duhet të bien “dukshëm”, raporton SkyNews.
Sekretarja e Brendshme u tha gjithashtu deputetëve se ishte “e vendosur të vazhdojë të bëjë përparim” në uljen e numrit të hoteleve që përdoren për strehimin e azilkërkuesve, duke i etiketuar ata “plotësisht të papërshtatshëm dhe jashtëzakonisht të kushtueshëm”.
Më shumë se 22,000 njerëz kanë mbërritur në MB me varka të vogla që kur Sir Keir Starmer u bë kryeministër në korrik.
