Një aksident me pasojë vdekjen e një 60-vjeçari ka ndodhur në orët e para të mëngjesit të sotëm në autostradën Durrës-Tiranë.
Burimet policore bëjnë me dije se një makinë tip “Benz”, me drejtues shtetasin N. K., 71 vjeç, banues në Kavajë, ka përplasur një qytetar që po ecte më këmbë, e për pasoje ai ka ndërruar jetë nga plagët e marra.
“Specialistët e Qarkullimit Rrugor në DVP Durrës, arrestuan në flagrancë shtetasin N. K., 71 vjeç, banues në Kavajë, pasi ditën e sotme, në orën 05:20, në autostradën Durrës-Tiranë, duke drejtuar mjetin tip “Benz”, ka aksidentuar këmbësorin shtetasin K. M., 60 vjeç, i cili si pasojë e përplasjes ka ndërruar jetë”, thuhet në njoftimin e policisë.
