Një udhëtim prej një ore me teleferik midis stacioneve të skive në Zvicër dhe Itali i është dhënë dritë jeshile. Kalimi më i lartë në Alpe do të hapet në vitin 2021.
Ndërtimi për projektin i quajtur “Alpine Crossing” që lidh dy vendpushimet Zermatt dhe Cervinnia mund të fillojë menjëherë, pasi Fondacioni Zviceran për Mbrojtjen e Peizazhit dhe Hekurudhat Malore të Zermatt nënshkruan një marrëveshje(25 shkurt), pas të cilës ata thanë, se “mori në konsideratë interesat e të dyja palëve”.
Të dy palët gjithashtu ranë dakord për një integrim më të mirë të peizazhit në lidhje me ndriçimin e jashtëm të stacionit malor dhe hartimin e ngjyrave të stacionit të luginës.
Punimet e ndërtimit në projektin “Alpine Crossing”, që do të kushtojë rreth 30 milionë dollarë, do të fillojnë menjëherë.
Teleferiku me tre linja do të vazhdojë gjatë gjithë vitit, duke transportuar rreth 2,000 njerëz në orë për “jo më pak se 150 franga”, sipas Markus Hasler nga Hekurudhat e Malit Zermatt. Për këtë çmim, turistët do të gëzojnë një kabinë luksoze e ndenjëse të ngrohta prek lëkure.
