Tirana është shpallur sot kampione për herë të 36 pasi ka mundur me shifrat 2-1 Partizanin në derbi, duke siguruar matematikisht vendin e parë në këtë sezon.
PARTIZANI-TIRANA 1-2
20′ Skuka. 27′ Seferi, 47′ Totre
90’+10′ Mbyllet ndeshja me fitoren 2-1 të Tiranës.
90’+7’ “Shtetrrethim” pranë zonës së Tiranës, por asnjë nga lojtarët e Partizanit nuk arrin të gjuajë në portë.
90’+5’ Seferi niset në pozicion jashtë loje drejt portës dhe shënon, goli anulohet menjëherë.
90’+4’ Gjuajtje nga jashtë zonës e H. Markut, Bekaj gjendet në pozicion dhe pret topin.
90’+2’ Pas një aksioni të bukur nga e djathta, topi pasohet në qendër për Kallakun i cili gjuan mbi traversë nga limitet e zonës së rreptësisë.
90′ Jepen 9 minuta shtesë.
87’ Harkim nga e majta në zonë për Bitrin i cili gjuan me kokë, por nuk ka shënjestrën për të rrezikuar Bekajn.
81’ Një pasim në qendër i Malës devijohet rrezikshëm drejt portës së Tiranës nga Behiratçe, Bekaj e më pas Hoxhallari largojnë topin në këndore.
79’ Gjumsi hyn në fushë për Ismajlgecin.
77’ Përsëri Seferi i cili depërton në krahun e majtë, pason në qendër ku janë dy futbollistë bardheblu dhe vetëm Hadroj largon topin duke shpëtuar ekipin nga një gol i sigurt.
76’ Seferi shfaqet nga ana tjetër para Hoxhës, kalon portierin por nuk e nis topin drejt katërkëndorit.
76’ A. Marku provon të depërtojë në krahun e djathtë, Behiratçe e pengon dhe mbrojtësi rrëzohet në zonë. Protesta të të kuqve që kërkojnë penallti, por gjyqtari bën shenjë që loja të vazhdojë.
67’ Kallaku hyn në fushë në vend të Carës në radhët e Partizanit.
66’ Tirana është më e tërhequr, duke i lëshuar metra Partizanit që sulmon me shumë forca në kërkim të barazimit.
64’ Totre ndëshkohet me karton të verdhë duke ndalur në mënyrë të parregullt Malën i cili i vodhi topin në gjysmëfushën e bardhebluve.
60’ Rifillon ndeshja me një goditje dënimi të ekzekutuar nga Limaj, Hoxha grushton e më pas mbrojtja e Partizanit largon rrezikun.
55’ Ndërpritet ndeshja, për shkak të tymueseve që kanë hedhur tifozët e Tiranës duke bërë që të mos shihet asgjë në fushën e lojës.
52’ Penallti për Partizanin!. Skuka kalon Hoxhallarin dhe Behiratçe me kapitenin e Tiranës që e prek në këmbë në një ndërhyrje të dytë. Hamitaj jep penallti, por bardheblutë protestojnë. Gjyqtari shkon te VAR pas sinjalizimit dhe rishikon pamjet duke anuluar penalltinë dhe kartonin e verdhë që i kishte dhënë Hoxhallarit.
47’ GOOOL Tirana! Shënon Totre me një harkim të jashtëzakonshëm nga rreth 20 metra.
45’+4’ Mbyllet pjesa e parë me barazimin 1-1.
45’+3’ Skuka ikën përsëri në krahun e majtë me shpejtësi dhe tenton direkt portën. Bekaj grushton dhe më pas është Mala i cili nuk arrin të gjuajë në kuadrat.
45’ Jepen 3 minuta shtesë.
44’ Behiratçe ndëshkohet me karton të verdhë pasi ndalon në mënyrë të parregullt një kundërsulm te Carës.
37’ Iniciativa ka kaluar nga Tirana, e cila ka më shumë zotërimin e topit duke kërkuar që të përfitojë nga euforia për të përmbysur shifrat.
33’ Përgjoni sheh Nikqin në zonë dhe mundohet nga e majta të vertikalizojë për të në qendër. Belica me eksperiencë ndalon sferën dhe më pas është Hoxha i cili kontrollon topin.
30’ Zëvendësim i detyruar për Tiranën me Toshevskin i cili lë fushën e lojës i dëmtuar duke aktivizuar Nikqin.
27’ GOOOL Tirana! Pasim i Përgjonit nga e majta për Seferin i cili kalon Alban Hoxhën dhe barazon shifrat.
25’ Alban Hoxha shkon dhe komunikon me mbështetësit e Partizanit pas portës. kapiteni i të kuqve u kërkon të mos hedhin më fishekzjarrë pasi rrezikohet ndërprerja e ndeshjes.
24’ Skuka është ndëshkuar me karton të verdhë për festimin në tribunë me tifozët.
20’ GOOOL Partizani! Një harkim nga e djathta shkon te Zhunior i cili ul topin për Skukën. Ky i fundit me një roveshatë spektakolare dërgon sferën në rrjetë.
12’ Seferi nga e djathta futet në zonë dhe kërkon me një pasim të shpejtë Hotin në qendër, por devijim i këtij të fundit shkon jashtë pa rrezikuar Hoxhën.
7’ Rast i pabesueshëm i shpërdoruar nga Cara! Skuka në të djathtën lë mbrapa Hoxhallarin dhe pasi merr fundoren, pason për Carën i cili me katërkëndorin e boshatisur, dërgon sferën jashtë.
5’ Goditje dënimi interesante në krahun e djathtë të sulmit të Partizanit, Mala harkon në zonë por mbrojtja bardheblu reagon mjaft mirë dhe largon rrezikun.
1’ Nis dueli në “Elbasan Arena”.
FORMACIONET ZYRTARE
Partizani: Hoxha; A. Marku, Bitri, Belica, Hadroj; Mala, Matondo, Rrapaj; Cara, Stenio Zhunior, Skuka
Trajner: D. Mehmeti
Tirana: Bekaj; Toshevski, Behiratçe, Hoxhallari, Përgjoni; Totre, Toli, Limaj, Ismailgeci, Hoti, Seferi
Trajner: O. Shehi
