Në protestën e rithemelimit e pranishme është edhe deputetja Jorida Tabaku. Kujtojmë se Tabaku nuk i është bashkuar zyrtarisht grupimit të Sali Berishës dhe Gazment Bardhit.
Kujtojmë se vetëm pak ditë më parë deputetja shprehu skepticizëm në një reagim të gjatë, ndërsa është deklaruar publikisht kundër sulmeve ndaj SPAK si dhe kundër aksionit të opozitës në Parlament duke sjellë bllokimin e seancave.
Nga ana tjetër Tabaku shihet në protestë bashkë me ish-deputetin, Alfred Rrushaj, i cili drejtonte grupin parlamentar të Partisë Demokratike në vitin 2021, kur edhe nisi përplasja brenda kësaj partie. Rrushaj nuk u deklarua me asnjë grup dhe preferoi të jepte dorëheqjen, duke u tërhequr nga politika aktive.
