Në protestën e opozitës ishin të pranishme shumë media të rëndësishmë europiane, ku mes tyre spikati edhe televizioni i financuar nga qeveria gjermane “Deutsche Welle”. Megjithatë, ndërprerja e sinjalit nga kompanitë telefonike me kërkesë të AKEP-it, ka bërë DW të mos e transmetoj direkt protestën, duke u kërkuar kështu falje teleshikuesve të saj. “Të nderuar miq të DW-së, korrespondentet tona që ndjekin zhvillimin e protestës në Tiranë na njoftojnë se nuk kanë mundësi kontaktimi ‘live’, sepse ne zonat e protestës duket se është bllokuar çdo valë interneti dhe telefonike”, shkruan DW.
Të njëjtin qëndrim ka mbajtur edhe gazetarja e DW, Anila Shuku, që shkruan se bllokimi i valëve ishte i papritur. “Sa keq, korrespondentja jonë Elona Elezi, nuk raporton dot live nga protesta, sepse policia i ka bllokuar te gjitha sinjalet telefonike në zonën e protestës#protestat.#Tirana Dhe sigurisht, që ky lajm na erdhi krejt papritur”, përfundon Shuku.
