Në tregun e Kosovës po qarkullojnë monedha të falsifikuara. 119 raste të falsifikimit të parasë janë raportuar në Policinë e Kosovës në tre muajt e parë të vitit.
Pothuajse çdo ditë në raportin 24 orësh të policisë, raportohet për para të dyshuara si false e që kryesisht janë 50 dhe 100 euro, raporton KTV.
Lidhur me këto raste, Policia ka arrestuar 18 persona.
Policia e Kosovës ka thënë se gjatë tremujorit të parë të këtij viti, janë raportuar 119 raste të “Falsifikimit të parasë”. Si rezultat i punës dhe angazhimeve të Policisë së Kosovës, lidhur me këto raste janë arrestuar 18 persona, ndërsa janë konfiskuar para të dyshuara si të falsifikuara si në vijim: 199 x 50 euro, 44 x 100 euro, 2 x 500 euro.
Në Bankën Qendrore gjatë vitit 2016 janë konfiskuar 824 kartëmonedha të falsifikuara, prej të cilave 429 ishin 50 euro.
Sa i përket kartëmonedhave euro të falsifikuara dhe që janë konfiskuar në nivel Kosove gjatë vitit 2016, të ndara sipas denominimeve/prerjes së parave, sipas BQK-së, janë si në vijim:
Denominime ( prerje) 500 euro, janë konfiskuar 9 copë
Denominime ( prerje) 200 euro, janë konfiskuar 17 copë
Denominime ( prerje) 100 euro, janë konfiskuar 95 copë
prerje ) 50 euro, janë konfiskuar 429 copë
Denominime ( prerje ) 20 euro, janë konfiskuar 184 copë
( prerje) 10 euro, janë konfiskuar 67 copë
