Zaev dhe Ahmeti sot publikojnë emrin e Presidentit të ardhëshëm të Maqedonisë së Veriut

Stevo Pendarovski, Nikolla Dimitrov dhe Oliver Spasovski janë emrat e mundshëm nga të cilët sot liderët e LSDM-së dhe BDI-së, Zoran Zaev dhe Ali Ahmeti duhet ta zgjedhin kandidatin e përbashkët për zgjedhjet presidenciale. Një pjesë e partnerëve të koalicionit të hënën theksuan se janë dakorduar që në zgjedhje të shkojnë me kandidat të përbashkët presidencial. Dje, Aleanca për Shqiptarët dhe BESA vendosën që në zgjedhjet presidenciale ta përkrahin kandidatin e pavarur për president, Blerim Reka.