Pak minuta para mbylljes së protestës, Policia e Shtetit doli me një deklaratë, ku i vendoste ultimatum opozitës me argumentin se po kryheshin akte te renda dhune. Permes një letre drejtuar Sekretarit të Përgjitshëm, Gazmend Bardhi, uniformat blu paralajmëronin se nëse për 5 minuta nuk do të ndërpritej protesta, atëherë policia do të ndërhynte forcërisht. Edhe kreu i PD-së, Lulzim Basha, hodhi akuza mbi policinë, për të cilën theksoi se provokoi dhe tentoi disa here te të shpërndate turmën e njerëzve, sjellja e te cileve ishte paqesore.
Deklarata e Policisë së Shtetit:
Nga protuestuesit po kryhen akte të rënda dhune ndaj punonjësve të policisë, po cënohet rendi publik dhe siguria e qytetarëve.
Nga protuestuesit po kryhen akte të rënda dhune ndaj punonjësve të policisë, po cënohet rendi publik dhe siguria e qytetarëve.
I NDERUAR ZOTI GAZMEND BARDHI !
Si organizator i tubimit , ju lutemi kërkoni nga protestuesit të ruajnë qetësinë. Protestuesit duhet të ndërpresin veprimet e dhunshme dhe të shpërndahen. Ju bëjmë thirrje të distancoheni nga këto veprime të dhunshme.
Veprimet e protestuesve janë të kundërligjshme dhe të dënueshme nga ligji penal.
Në rast se për 5 minuta nuk do të ndërprisni veprimet e kundraligjshme turma do të shpërndahet forcërisht nga Policia e Shtetit e cila do të përdorë forcën dhe mjetet e saj, sipas ligjit.
