Kryetarja e Gjykatës së Rrethit Gjyqësor Lezhë, Ornela Naqellari kaloi filtrat e vetingut, por Komisioni i Pavarur i Kualifikimit ka rihapur hetim për rivlersimin e saj duke ngritur dyshime për deklarim të rremë.
Seanca e radhës nga KPK për Naqellarin do të zhvillohet ditën e enjte në orën 09:30.
Drejtuesja e Gjykatës së Lezhës, doli dje në seancë dëgjimore, ku u përball me një hetim të kryer në të tri kriteret e rivlerësimit, kryer nga KPK.
Ndonëse në kriterin e pasurisë dhe atë të pastërtisë së figurës kaloi pa probleme duke u konsideruar e përshtatshme, ajo që u diskutua nga trupa gjykuese ishin 3 denoncime të publikut, të cilat ngritën dyshime për aftësitë profesionale të kryegjyqtares.
Një tjetër denoncim i bërë ishte edhe ai i kancelares së Gjykatës, e cila ka pretenduar para KPK-së se Naqellari kishte pajisur me vërtetim një person, që nuk ishte paraqitur në gjykatë. Për denoncimin e kancelares, gjyqtarja pretendoi se shkeljet nuk ishin kryer nga ajo, por nga vetë kancelarja.
Ornela Naqellari kreu studimet në Shkollën e Magjistraturës gjatë viteve 2006-2008. Ajo u emërua gjyqtare në Gjykatën e Përmetit në vitin 2009, ku e ushtroi funksionin e saj deri në vitin 2016. Përgjatë tre viteve të fundit, Naqellari drejton Gjykatën e Rrethit Gjyqësor Lezhë.
