Sërish tension te Bregu i Lumit. Mëngjesin e sotëm, forca të shumta policore dhe fadroma kanë shkuar që në mëngjes herët për të prishur banesat në Bregun e Lumit, sië shihet edhe në një video të shpërndarë nga PD.
Banorët kanë dalë në protestë dhe janë të vendosur të mos lejojnë me çdo kusht prekjen e banesave, të cilat janë parashikuar të prishen për zgjatimin e Bulevardit të Ri.
Deputetët e Partisë Demokratike, Klevis Balliu dhe Aldo Bumci kanë shkuar në mbështetje të banorëve por policia nuk lejon as ish deputetet te ofrohen tek zona ku po prishen banesat!
Kujtojmë që 38 banesa në zonën e Bregut të Lumit janë përjashtuar nga skema e dëmshpërblimit dhe iu është ndërprerë procesi i legalizmit. Banorët kërkojnë dëmshpërblim para se të vijohet me projektin e zgjatimit të Bulevardit të Ri.
