Kryeministri Edi Rama, gjatë samitit ekonomik mes vendeve të Europës Juglindore dhe Kinës, që po zhvillohet në Kroaci, ka zhvilluar një takim bilateral me homologun kinez, Li Keqiang.
Në takim, kreu i qeverise kineze premtoi ndërmarrjen e hapave të nevojshme për heqjen e vizave si dhe njohjen e ndërsjelltë të diplomave universitare.
Gjatë këtij takimi, kryeministri Rama i kërkoi homologut të tij përshpejtimin e procedurave që do të lejonin hyrjen e disa produkteve ushqimore në tregun kinez.
Heqja e vizave sipas Ramës do të nxiste jo vetëm rritjen e numrit të turistëve kineze në Shqipëri, por edhe rritjen e shkëmbimeve tregtare mes dy vendeve.
