Një grua nga Emiratet e Bashkuara Arabe (UAE), e cila u plagos rëndë në një aksident rrugor në vitin 1991, është zgjuar nga koma pas 27 vitesh, një rast që mund të konsiderohet mrekulli.
BBC shkruan se Munira Abdulla, e cila ishte 32 vjeç në kohën e aksidentit, pësoi dëmtim të rëndë të trurit pasi makina me të cilën po udhëtonte ku po merrte djalin e saj nga shkolla u përplas me një autobus.
Omar Webair, atëherë katër vjeç, ishte ulur në pjesën e prapme të automjetit me të, por mbeti i padëmtuar pasi nëna e mori në krahë pak para aksidentit.
Omar, ka ndjekur nënën e tij pas kaq shumë vitesh trajtim, duke treguar rastin në një intervistë për gazetën “The National” në Emiratet e Bashkuara Arabe.
“Kurrë nuk hoqa dorë nga ajo sepse gjithmonë kam pasur një ndjenjë se një ditë do të zgjohet”, i tha Omar gazetës të hënën.
“Arsyeja pse tregova për historinë e saj është t’u tregoj njerëzve që të mos humbasin shpresën për të dashurit e tyre dhe të mos i konsiderojnë të vdekur kur ata janë në një gjendje të tillë”, shtoi ai.
“Nëna ime ishte ulur me mua në ulësen e pasme. Kur e pa përplasjen që po vinte, më përqafoi për të më mbrojtur nga goditja“, tha gjithashtu.
Nëna e tij pësoi vetëm një goditje në kokë dhe nuk u trajtua për orë të tëra.
Vitet e trajtimit
Abdulla u dërgua në spital dhe më vonë u transferua në Londër. Atje u deklarua se ishte në gjendje vegjetative, por ishte në gjendje të ndiente dhimbje.
Ajo u kthye pastaj në Al Ain, një qytet në Emiratet e Bashkuara Arabe në kufi me Omanin ku jetoi dhe u zhvendos në disa institucione mjekësore.
Gruaja mbeti aty për disa vjet, duke marrë ushqim përmes një tubi. Ajo iu nënshtrua fizioterapisë për të siguruar që muskujt e saj nuk do të dobësoheshin për shkak të mungesës së lëvizjes.
Në vitin 2017, familjes iu dha një grant nga një organ qeveritar në Abu Dhabi, që zonja Abdulla të transferohej në Gjermani.
Atje, ajo iu nënshtrua një numër operacionesh për të korrigjuar krahët dhe muskujt e këmbëve të shkurtuara, dhe iu dhanë ilaçe për të përmirësuar gjendjen e saj, duke përfshirë edhe zgjimin.
Një vit më vonë, djali i saj u përfshi në një zënkë në dhomën e spitalit, gjë që nxiti nënën e tij të zgjohej.
“Kishte një keqkuptim në dhomën e spitalit dhe ajo ndjeu që unë isha në rrezik, gjë që i shkaktoi tronditje,” tha Omar.
“Po bënte tinguj të çuditshëm. Thirrja mjekët për ta vizituar. Ata thanë se gjithçka ishte normale. Pastaj, tri ditë më vonë, u zgjova me zërin e dikujt që thërriste emrin tim. Ai ishte zëri i asaj. Fluturova nga gëzimi. Për vite kam ëndërruar për këtë moment dhe emri im ishte fjala e parë që tha. Ajo u bë e përgjegjshme dhe tani mund të ndiejë dhimbje dhe të zhvillojë disa biseda”, shton i biri.
Ajo është kthyer në Abu Dhabi, ku po i nënshtrohet fizioterapive për rehabilitimin e mëtejshëm.
