Logo/Regjistrohet në gjykatë dhe KQZ, “Bindja Demokratike”, partia pa kryetar

“Bindja Demokratike” është partia më e re në Shqipëri. Partia është regjistruar sot në Gjykatë dhe në Komisionin Qendror të Zgjedhjeve, me kërkesë të Astrit Patozit.

Patozi ka zhvilluar një ditë më parë takime me disa deputetë të dalë nga Partia Demokratike. Partisë i janë bashkuar edhe Fabjan Topollaj dhe Leonard Olli, që deri pak muaj më parë sihin anëtarë të Këshillit Bashkiak të Tiranës, përfaqësues të Partisë Demokratike.

Astrit Patozi, në një prononcim për gazetarët, pas takimit, u tregua i rezervuar. Sipas informacioneve, partia  nuk do të ketë një kryetar por do të drejtohet nga një bord me disa anëtarë. Në krye të kësaj force të re politike mësohet se do të jetë një prej zërave më kritikë ndaj qeverisë dhe opozitës, ish-deputeti i PD-së, Astrit Patozi.