Ish-deputeti i PD Edmond Spaho në një prononcim për mediat tha se arrestimi i deputetit demokrat Klevis Balliu ishte një akt i pastër politik i Edi Ramës. Spaho u shpreh se Rama po kryen arrestime politike të përfaqësuesve opozitarë, se ka frikë nga kjo opozitë dhe nga populli.
“Edi Rama po sillet si diktator. Kërkon të burgosë protestues, ndërsa nuk arreston ata që janë hajdutët më të mëdhenj të këtij shteti e kombi, që vjedhin me koncesione. Nuk janë dënuar policët, që kanë gjymtuar qytetarët protestues, as ata që kanë bërë shoqërime më dhunë dhe kanë rrahur deputetin Balliu në komisariat. Rama arreston deputetët opozitarë se ka frikë nga fuqia e opozitës”, deklaroi Spaho.
Ai tha gjithashtu se është ndaluar pa të drejtë dhe pas kësaj nuk i është ofruar për më shumë se katër orë ndihmë mjekësore pasi ishte helmuar me gaz lotsjellës.
“Janë shtëpitë që po rrezikohen nga projekti korruptiv i kësaj qeverie. Unë i kam mbështetur, i mbështes dhe do ti mbështes. Partia Demokratike dhe gjithë përfaqësuesit e saj do ti mbështetsim. Ta harrojnë se me shoqërimin e ndonjërit do të na frikësojnë.
Nëse sot protestojmë është edhe arsyeja se qeveria i ka bërë pis uniformat e Policisë së Shteti me kanabizimin e vendit. E kuptoj Prokurrorinë që ka një vit e tetë muaj si e jashtëligjshme si dhe e kuptoj presionin dhe urdhërat që ka marrë por nuk pranoj asnjë akuzë që mund të më drejtojnë.
Kam ndenjur për katër orë e gjysëm pa marrë asnjë ndihmë mjekësore sepse policia nuk i lejonte të më shërbenin pasi isha dëmtuar sepse nuk shihja për shkak të gazit?”.
